Gebet von de Bruderschaft vom Seelische Gerhard


Herr Jesus Christus,

du hast misch gnädischlisch berufe, dass isch dir als e Mitglied von dere Bruderschaft vom Seelische Gerhard diene derf.

Dankeschee, dass de misch gewerdischt hast, die schee Awweit zu mache.

Ganz deemidisch bitt isch disch uff die Fierspraach von Unserer Liewe Fraa, des Heilische Johannes des Däufers, des Seelische Gerhard Tonque un von alle dene Heilische, dass de Geist von unserer Bruderschaft mei Lewe und mei Due dorschdringt, damit isch misch fer immer in dein Dienst stell, in maaner Famillie, unner maane Freund und fer all diejenische, die mei Hilf nedisch hawwe.

Ganz im Vertraue uff dei Hilf will isch de Glaabe immer verteidische un e offe Herz hawwe fer mei nächste Mensche, besonners fer die Aarme, die Traurische, die Allaagelassene, die Behinnerde und die Kranke.

Geb mer doch aafach die nedisch Kraft, damit isch aach so, wie isch des ewe gesacht hab, als en ehrlische Christ, ohne an misch zu denke, im Geist von deim Evangelium lewe kann - fer die Ehr von unserm Herrgott - fer de Friede in de ganz Welt und fer des Wohl von unserer Gemeinschaft.

Amen.


We thank Rev. Father Michael Eich for this translation of our prayer into Hessisch.



Back to the homepage of the Brotherhood of Blessed Gérard


This page was last updated on Tuesday, 24 September 2013 20:12:27